പാലാ: വിശ്വസാഹിത്യകാരൻ എം ടി വാസുദേവൻ നായരുടെ 89-ാം ജന്മദിനത്തോടനുബന്ധിച്ച് പാലാ സബ് ജയിൽ ലൈബ്രറിയിലേക്ക് പുസ്തകങ്ങൾ കൈമാറി. ഈരാറ്റുപേട്ട എം ഇ എസ് കോളേജും ചേന്നാട് സെന്റ് ഗൊരോത്തി സ്കൂളും ചേർന്നാണ് പുസ്തകങ്ങൾ സമ്മാനിച്ചത്. ജയിൽ മധ്യമേഖല ഡി ഐ ജി പി അജയകുമാർ യോഗം ഉദ്ഘാടനം ചെയ്ത് പുസ്തകങ്ങൾ ഏറ്റുവാങ്ങി. എം ഇ എസ് കോളേജ് പ്രിൻസിപ്പാൾ റഷീദ് അദ്ധ്യക്ഷത വഹിച്ചു.
അഡാർട്ട് ഡയറക്ടർ ഫാ. വിൻസെന്റ് മുഖ്യപ്രഭാഷണം നടത്തി. ജയിൽ ഭാരവാഹികൾ, കോളേജ് അധികൃതർ, വിദ്യാർത്ഥി പ്രതിനിധികൾ എന്നിവർ പ്രസംഗിച്ചു. ജയിൽ സൂപ്രണ്ട് സി ഷാജി സ്വാഗതവും ജയിൽ അസിസ്റ്റന്റ് ഓഫീസർ അനിൽകുമാർ പി പി നന്ദിയും പറഞ്ഞു.
Comment relevant & respectful. Off-topic comments may be removed . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും . Please read our Comment Policy before commenting.
