പ്രവിത്താനത്ത് കശാപ്പിനായി കൊണ്ടുവന്ന പോത്തുകൾ ഇടഞ്ഞു; രണ്ടുപേർക്ക് പരിക്ക്

പ്രവിത്താനം: കശാപ്പിനായി കൊണ്ടുവന്ന രണ്ട് പോത്തുകൾ ഇടഞ്ഞ് രണ്ടുപേരെ വെട്ടി പരിക്കേല്പിച്ചു. പ്രവിത്താനം കണ്ണൻകുളത്ത് മാണി, മകൻ സോജൻ എന്നിവർക്കാണ് പോത്തിന്റെ ആക്രമണത്തിൽ പരിക്കേറ്റത്. വയറിന് പരിക്കേറ്റ മാണിയെ പ്രവിത്താനത്തെ സ്വകാര്യ ആശുപത്രിയിൽ പ്രഥമ ശുശ്രൂഷക്കുശേഷം കാരിത്താസ് ആശുപത്രിയിലേക്കു മാറ്റി.

---

വെള്ളിയാഴ്ച വൈകുന്നേരം അഞ്ചോടെയാണ് സംഭവം. മാണിയുടെ വീട്ടിലേക്ക് കശാപ്പിനായി കൊണ്ടുവന്ന പോത്തുകളെ വാഹനത്തിൽനിന്ന് ഇറക്കുമ്പോഴായിരുന്നു രണ്ടുപേരെയും ആക്രമിച്ച ശേഷം പോത്തുകൾ ഇടഞ്ഞോടിയത്. പോത്തുകൾ പിന്നീട് പ്രവിത്താനത്തെ സ്വകാര്യ ആശുപത്രിക്ക് പിൻഭാഗത്തുള്ള ചൂരനോലിക്കൽ ബിനോയിയുടെ പുരയിടത്തിൽ നിലയുറപ്പിക്കുകയായിരുന്നു.

സംഭവമറിഞ്ഞ് പാലാ പോലീസും ഫയർഫോഴ്സും റവന്യു അധികൃതരും സ്ഥലത്തെത്തി. നാട്ടുകാരെ ഒന്നടങ്കം ഭീതിയിലാഴ്ത്തിയ പോത്തുകളെ പിന്നീട് കുടുക്കെറിഞ്ഞ് പിടികൂടി.

Also Read » കൊച്ചി നിറ്റ ജലാറ്റിൻ കമ്പനിയിൽ പൊട്ടിത്തെറി; ജീവനക്കാരൻ മരിച്ചു, നാലുപേർക്ക് പരിക്ക്

Also Read » വാളയാറിൽ ആംബുലൻസ് നിയന്ത്രണം വിട്ട് മറിഞ്ഞ് അപകടം; നഴ്സിന് പരിക്ക്