തി​രു​വ​ല്ല മേ​പ്രാ​ൽ ത​ണു​ങ്ങാ​ട് ഭാ​ഗ​ത്തെ ചെ​മ്പ്ര ക​ട​വി​ൽ പാലം എ​ത്തി​യി​ല്ല

തി​രു​വ​ല്ല: പ​തി​റ്റാ​ണ്ടു​ക​ൾ പ​ല​ത് ക​ഴി​ഞ്ഞി​ട്ടും തി​രു​വ​ല്ല മേ​പ്രാ​ൽ ത​ണു​ങ്ങാ​ട് ഭാ​ഗ​ത്തെ ചെ​മ്പ്ര ക​ട​വി​ൽ പാ​ലം എ​ത്തി​യി​ല്ല. അ​പ്പ​ർ കു​ട്ട​നാ​ട​ൻ പ്ര​ദേ​ശ​മാ​യ പെ​രി​ങ്ങ​ര പ​ഞ്ചാ​യ​ത്തി​ലെ മൂ​ന്നാം​വാ​ർ​ഡി​ൽ ഉ​ൾ​പ്പെ​ടു​ന്ന ത​ണു​ങ്ങാ​ട് ഭാ​ഗ​ത്തെ ചെ​മ്പ്ര ക​ട​വി​ൽ നാ​ട്ടു​കാ​ർ നി​ർ​മി​ച്ച ത​ടി​പ്പാ​ലം മാ​ത്ര​മാ​ണ് വി​ദ്യാ​ർ​ഥി​ക​ളും ക​ർ​ഷ​ക​രും അ​ട​ങ്ങു​ന്ന​വ​ർ​ക്ക് ഇ​ന്നും ആ​ശ്ര​യം.

ജീ​വ​ൻ പ​ണ​യ​പ്പെ​ടു​ത്തി​യാ​ണ് ക​ഴി​ഞ്ഞ 40 വ​ർ​ഷ​ക്കാ​ല​മാ​യി ജ​ന​ങ്ങ​ൾ ഈ ​ത​ടി​പ്പാ​ല​ത്തി​ലൂ​ടെ നടക്കു​ന്ന​ത്. ഇ​തി​നി​ടെ പ​ല​വ​ട്ടം പാ​ലം ത​ക​ർ​ന്ന്​ നി​ര​വ​ധി​പേ​ർ തോ​ട്ടി​ൽ വീ​ണി​ട്ടു​ണ്ട്. കാ​വും​ഭാ​ഗം – ഇ​ടി​ഞ്ഞി​ല്ലം റോ​ഡി​ലെ വേ​ങ്ങ​ലി​ൽ​നി​ന്ന്​ വേ​ളൂ​ർ മു​ണ്ട​ക​ത്തേ​ക്കു​ള്ള വ​ഴി​യും മേ​പ്രാ​ൽ – ത​ണു​ങ്ങാ​ട് റോ​ഡും ത​മ്മി​ൽ ബ​ന്ധി​പ്പി​ക്കു​ന്ന ച​ന്ത തോ​ടി​ന് കു​റു​ക​യാ​ണ് പാ​ലം വേ​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ന്ന​ത്.

---

ത​ടി​പ്പാ​ലം ബ​ല​ക്ഷ​യ​ത്തി​ലാ​യ​തോ​ടെ പ്രാ​യാ​ധി​ക്യം ഏ​റി​യ​വ​രും വി​ദ്യാ​ർ​ഥി​ക​ളും അ​ട​ക്കം വ​ലി​യ യാ​ത്രാ​ ദു​രി​ത​മാ​ണ് അ​നു​ഭ​വി​ക്കു​ന്ന​ത്. ക​ഴി​ഞ്ഞ സ​ർ​ക്കാ​റി​ന്‍റെ കാ​ല​ത്ത് ഗ്രാ​മ​പ​ഞ്ചാ​യ​ത്ത് അം​ഗം എം സി ഷൈ​ജു​വി​ന്റെ നേ​തൃ​ത്വ​ത്തി​ൽ നാ​ട്ടു​കാ​ർ ജ​ല​സേ​ച​ന വ​കു​പ്പി​ന് നി​വേ​ദ​നം ന​ൽ​കി​യി​രു​ന്നു. തു​ട​ർ​ന്ന് പാ​ല​ത്തി​നു​വേ​ണ്ടി 75 ല​ക്ഷം രൂ​പ​യു​ടെ എ​സ്റ്റി​മേ​റ്റ് ത​യാ​റാ​ക്കി. എ​ന്നാ​ൽ, എ​സ്റ്റി​മേ​റ്റ് ത​യാ​റാ​ക്ക​ലി​ൽ മാ​ത്ര​മാ​യി പ​ദ്ധ​തി ചു​രു​ങ്ങി.

ഇ​തോ​ടെ ഇ​ത്ത​വ​ണ ന​ട​ന്ന അ​ദാ​ല​ത്തി​ലും ഷൈ​ജു​വി​ന്റെ നേ​തൃ​ത്വ​ത്തി​ൽ പ​രാ​തി​ന​ൽ​കി. തു​ട​ർ​ന്ന് വീ​ണ്ടും എ​സ്റ്റി​മേ​റ്റ് എ​ടു​ത്തു. എ​സ്റ്റി​മേ​റ്റ് തു​ക ഒ​രു​കോ​ടി​യാ​യി ഉ​യ​ർ​ന്നി​ട്ടും പാ​ലം മാ​ത്രം യാ​ഥാ​ർ​ഥ്യ​മാ​യി​ല്ല. ഇ​തേ തു​ട​ർ​ന്ന് ക​ഴി​ഞ്ഞ ദി​വ​സം ന​ട​ന്ന അ​ദാ​ല​ത്തി​ൽ പ​രാ​തി എ​ത്തി​യ​തോ​ടെ തി​രു​വ​ല്ല സ​ബ് ക​ല​ക്ട​ർ സ​ഫ്ന ന​സ്റു​ദ്ദീ​ൻ സ്ഥ​ലം സ​ന്ദ​ർ​ശി​ച്ചി​രു​ന്നു. ഇ​ത്ത​വ​ണ​യെ​ങ്കി​ലും ത​ങ്ങ​ളു​ടെ യാ​ത്ര​ദു​രി​ത​ത്തി​ന് അ​റു​തി​വ​രും എ​ന്ന വി​ശ്വാ​സ​ത്തി​ലാ​ണ് നാ​ട്ടു​കാ​ർ.

Also Read » കളരിയാംമാക്കൽ കടവ് പാലം കടക്കണമെങ്കിൽ കടമ്പകൾ ഏറെ

Also Read » കളരിയാമ്മാക്കൽ പാലം നോക്കുകുത്തി; സമരവുമായി നാട്ടുകാർ