കാവുംകണ്ടം: കാവുംകണ്ടം സെന്റ് മരിയ ഗോരെത്തി സൺഡേ സ്കൂളിലെ വിശ്വാസോത്സവം "വർണ്ണക്കൂട്ട് " വർണ്ണാഭമായി അവസാനിച്ചു. കുട്ടികളുടെ സമഗ്രമായ വളർച്ചയെ ലക്ഷ്യമാക്കിക്കൊണ്ടുള്ള വിവിധ പരിപാടികളാണ് നടന്നത്. സെമിനാറുകൾ, പഠന ക്ലാസ്, ചർച്ച, പ്രാർത്ഥന ശുശ്രൂഷ, ശ്രമദാനം, കലാകായിക മത്സരങ്ങൾ എന്നിവ സംഘടിപ്പിച്ചു. ഇതോടനുബന്ധിച്ച് കുട്ടികൾ ഇടവകയിലെ ഭവനങ്ങളും സന്ദർശിച്ചു.
വചന മനന പരീക്ഷ, ലോഗോസ് ക്വിസ് പരീക്ഷ എന്നിവയും ഉണ്ടായിരുന്നു. സൺഡേ സ്കൂളിലെ എല്ലാ കുട്ടികളുടെ പേരെഴുത്ത് മത്സരവും നടത്തി. വിശ്വാസോത്സവത്തിൽ ആവേശം നൽകിക്കൊണ്ട് കാവുംകണ്ടം ടൗണിലേക്ക് വിശ്വാസ പ്രഖ്യാപന റാലി നടത്തി. റെഡ്, ബ്ലൂ, ഗ്രീൻ എന്നീ ഹൗസുകളുടെ നേതൃത്വത്തിൽ നടന്ന റാലിക്ക് റെഡ് ഹൗസ് ഒന്നാം സ്ഥാനം കരസ്ഥമാക്കി.
നോമ്പുകാലത്ത് 50 ദിവസം ദേവാലയത്തിൽ വിശുദ്ധ കുർബാനയിൽ പങ്കെടുത്ത കുട്ടികൾക്ക് വികാരി ഫാ. സ്കറിയ വേകത്താനം സമ്മാനം വിതരണം ചെയ്തു. കുർബാനയിൽ പങ്കെടുത്ത കുട്ടികളിൽ നിന്നും നറുക്കെടുപ്പിലൂടെ ഡ്യൂണ ബിജു കണ്ണഞ്ചിറയ്ക്ക് സൈക്കിൾ സമ്മാനമായി നൽകി. കാവുംകണ്ടം ഇടവകയിൽ ആദ്യമായിട്ടാണ് സൺഡേ സ്കൂളിലെ കുട്ടികൾക്ക് സൈക്കിൾ സമ്മാനമായി നൽകുന്നത്.
വിശ്വാസോത്സവത്തിന്റെ സമാപന ദിനത്തിൽ എല്ലാവർക്കും സ്നേഹവിരുന്ന് നൽകി. സമാപന സമ്മേളനത്തിൽ വിവിധ മത്സരങ്ങളിൽ വിജയിച്ചവർക്ക് വികാരി ഫാ. സ്കറിയ വേകത്താനം സമ്മാനം വിതരണം ചെയ്തു. പിടിഎ പ്രസിഡണ്ട് ഡേവീസ് കെ മാത്യു കല്ലറയ്ക്കൽ അദ്ധ്യക്ഷത വഹിച്ചു. സണ്ണി വാഴയിൽ, സെബിൻ തച്ചാർകുന്നേൽ, ആൻമരിയ തേനംമാക്കൽ, ജോയൽ ആമിക്കാട്ട്, അജോ വാദ്യാനത്തിൽ, ആര്യ പീടികയ്ക്കൽ തുടങ്ങിയവർ പരിപാടികൾക്ക് നേതൃത്വം നൽകി.
Also Read » കാവുംകണ്ടം സെന്റ് മരിയ ഗൊരേത്തി പള്ളിയിൽ ഓണാഘോഷം "ആവണി 2023" സംഘടിപ്പിച്ചു.
Comment relevant & respectful. Off-topic comments may be removed . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും . Please read our Comment Policy before commenting.
