കാവുംകണ്ടം സെന്റ് മരിയ ഗോരെത്തി ഇടവകയിൽ വയോജനദിനം ആചരിച്ചു

കാവുംകണ്ടം സെന്റ് മരിയ ഗോരെത്തി ഇടവകയിലെ വയോജന ദിനാചരണം ജോസഫ് മാളിയേക്കൽ ഉദ്ഘാടനം ചെയ്യുന്നു. ജോസ് തയ്യിൽ, ദേവസ്യ കൂനംപാറയിൽ, ഫാ. സ്കറിയ വേകത്താനം തുടങ്ങിയവർ സമീപം.

കാവുംകണ്ടം: കാവുംകണ്ടം ഇടവകയിലെ വിവിധ ഭക്ത സംഘടനകളുടെ ആഭിമുഖ്യത്തിൽ കാവുംകണ്ടം പാരിഷ് ഹാളിൽ വയോജനദിനാചരണം നടത്തി. വികാരി ഫാ. സ്കറിയ വേകത്താനം അദ്ധ്യക്ഷത വഹിച്ച യോഗത്തിൽ പ്രസിഡന്റ്‌ കുഞ്ഞേപ്പ് മാളിയേക്കൽ വയോജന ദിനാചാരണം ഉദ്ഘാടനം ചെയ്തു. ജോസ് തയ്യിൽ മുഖ്യപ്രഭാഷണം നടത്തി.

"വാർദ്ധക്യകാലം അനുഗ്രഹീതമാക്കാൻ" എന്ന വിഷയത്തെപ്പറ്റി ഫാ. സ്കറിയ വേകത്താനം ക്ലാസ്സ്‌ നയിച്ചു. ദേവസ്യാച്ചൻ കൂനംപാറയിൽ ചർച്ചകൾക്ക് നേതൃത്വം നൽകി. സമ്മേളനത്തിൽ അന്നക്കുട്ടി മാളിയേക്കലിനെ ഭാഗ്യശാലിയായി തിരഞ്ഞെടുത്ത്‌ സമ്മാനം നൽകി. തുടർന്ന് വിവിധ കലാകായിക മത്സരങ്ങൾ നടത്തി.

---

സമ്മേളനത്തിൽ പങ്കെടുത്ത വയോജനങ്ങൾക്ക് വികാരി ഫാ. സ്കറിയ വേകത്താനം ഉപഹാരം നൽകി ആദരിച്ചു. കാവുംകണ്ടം പള്ളിയിൽ വച്ച് നടന്ന വിശുദ്ധ കുർബാനയോടെയാണ് വയോജന ദിനാചരണത്തിന് തുടക്കം കുറിച്ചത്. ആരാധനയും പ്രാർത്ഥനാ ശുശ്രൂഷകളും നടത്തി. എല്ലാവർക്കും സ്നേഹവിരുന്നും നൽകി. സമ്മേളനത്തിൽ പുതിയ എൽഡേർസ് അസോസിയേഷൻ ഭാരവാഹികളെ തിരഞ്ഞെടുത്തു.

ഫാ. സ്കറിയ വേകത്താനം (ഡയറക്ടർ),
ദേവസ്യ കെ ഒ കൂനംപാറയിൽ (പ്രസിഡന്റ്‌ ), ജോർജ് കാരക്കടയിൽ (വൈസ് പ്രസിഡന്റ്‌ ),
മരിയ ജോസ് തയ്യിൽ (സെക്രട്ടറി),
കുട്ടിയമ്മ മഠത്തിപ്പറമ്പിൽ (ജോയിന്റ് സെക്രട്ടറി), ലിസി അബ്രഹം മണ്ണൂർ (ഖജാൻജി), ജോസ് കൊന്നക്കൽ (ഓർഗനൈസർ).

ബിജു കോഴിക്കോട്ട്, ടോം തോമസ് കോഴിക്കോട്ട്, ജോർജ്കുട്ടി വല്യാത്ത്, ജസ്റ്റിൻ മനപ്പുറത്ത്, ബിജു കണ്ണൻചിറ, തോമസ് കുമ്പളാങ്കൽ, രാജു അറയ്ക്കക്കണ്ടത്തിൽ, കൊച്ചുറാണി ഈരൂരിക്കൽ, അജിമോൾ പള്ളിക്കുന്നേൽ തുടങ്ങിയവർ പരിപാടികൾക്ക് നേതൃത്വം നൽകി.

Also Read » കാവുംകണ്ടം സെന്റ് മരിയ ഗൊരേത്തി പള്ളിയിൽ ഓണാഘോഷം "ആവണി 2023" സംഘടിപ്പിച്ചു.

Also Read » ഇലഞ്ഞി വിസാറ്റ് ഗ്രൂപ്പ് ഓഫ് ഇൻസ്റ്റിറ്റ്യൂഷൻസിൽ അദ്ധ്യാപക ദിനം ആചരിച്ചു