പാലാ: പാലാ സ്വദേശിനിയായ വീട്ടമ്മയില്‍ നിന്നും മകന് മെഡിക്കല്‍ അഡ്മിഷന്‍ നല്‍കാമെന്ന് പറഞ്ഞ് 25 ലക്ഷം രൂപ തട്ടിയെടുത്ത കേസില്‍ ഒരാളെ പോലീസ് അറസ്റ്റ് ചെയ്തു. മാവേലിക്കര തെക്കേക്കര പല്ലാരിമംഗലം വടക്കേക്കുഴി ഭാഗത്ത് ബദേല്‍ വീട്ടില്‍ അനു സാമുവല്‍ (36) എന്നയാളെയാണ് പാലാ പോലീസ് അറസ്റ്റ് ചെയ്തത്.
ഇയാള്‍ പാലാ പൂവരണി സ്വദേശിയായ വീട്ടമ്മയില്‍ നിന്നും മകന് വെല്ലൂരില്‍ എം ബി ബി എസിന് സ്റ്റാഫ് ക്വാട്ടായില്‍ അഡ്മിഷന്‍ തരപ്പെടുത്തി കൊടുക്കാമെന്ന് പറഞ്ഞ് 25 ലക്ഷം രൂപ തട്ടിയെടുത്ത ശേഷം അഡ്മിഷന്‍ കൊടുക്കാതെ കബളിപ്പിക്കുകയായിരുന്നു.
തുടര്‍ന്ന് വീട്ടമ്മ പാലാ പോലീസില്‍ പരാതിനല്‍കുകയും ജില്ലാ പോലീസ് മേധാവി കെ കാര്‍ത്തിക്കിന്റെ നേതൃത്വത്തിലുള്ള അന്വേഷണസംഘം എം ബി ബി എസിന് അഡ്മിഷന്‍ വേണമെന്ന് പറഞ്ഞ് ഇയാളെ തന്ത്രപരമായി കുടുക്കുകയായിരുന്നു.
പാലാ സ്റ്റേഷന്‍ എസ് എച്ച് ഒ കെ പി ടോംസണ്‍, എസ് ഐ അഭിലാഷ് എം ഡി, സി പി ഓമാരായ ജസ്റ്റിന്‍ ജോസഫ്, രഞ്ജിത്ത്, ശ്രീജേഷ് കുമാര്‍ എന്നിവരും അന്വേഷണ സംഘത്തില്‍ ഉണ്ടായിരുന്നു. ഇയാളെ കോടതിയില്‍ ഹാജരാക്കി.
Also Read » കൊച്ചി ഡെപ്യൂട്ടി മേയറുടെ പി.എയെന്ന പേരിൽ ജോലി തട്ടിപ്പ് നടത്തിയ യുവാവ് അറസ്റ്റിൽ
Comment relevant & respectful. Off-topic comments may be removed . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും . Please read our Comment Policy before commenting.
