ബസ്സിനുള്ളിൽ വിദ്യാർത്ഥിനിയോട് ലൈംഗികാതിക്രമം; മധ്യവയസ്കൻ അറസ്റ്റിൽ

കോട്ടയം: ബസ്സിനുള്ളിൽ വച്ച് വിദ്യാർത്ഥിനിയോട് ലൈംഗികാതിക്രമം നടത്തിയ കേസിൽ
മധ്യവയസ്കനെ പോലീസ് അറസ്റ്റ് ചെയ്തു. കല്ലറ തേവലക്കാട് ചാഴിയിൽ അനിൽകുമാർ സി കെ (48) എന്നയാളെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്.

ഇയാൾ ഇന്ന് കോട്ടയം ഏറ്റുമാനൂർ റൂട്ടിൽ സർവീസ് നടത്തിവരുന്ന സ്വകാര്യ ബസ്സിൽ വെച്ച് വിദ്യാർത്ഥിനിയോട് ലൈംഗികാതിക്രമം നടത്തുകയായിരുന്നു. വിദ്യാർത്ഥിനിയുടെ പരാതിയെ തുടർന്ന് കോട്ടയം വെസ്റ്റ് പോലീസ് കേസ് രജിസ്റ്റർ ചെയ്യുകയും ഇയാളെ പിടികൂടുകയുമായിരുന്നു.

കോട്ടയം വെസ്റ്റ് പോലീസ് എസ് എച്ച് ഓ പ്രശാന്ത് കുമാർ കെ ആർ, എസ് ഐ അനിൽകുമാർ കെ എസ്, സി പി ഓമാരായ വിജേഷ്കുമാർ, ഷെജിമോൻ എന്നിവരടങ്ങിയ പോലീസ് സംഘമാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാന്റ് ചെയ്തു.

Also Read » പാലായിൽ ഓട്ടോറിക്ഷയിൽ നിന്നും മൊബൈൽ മോഷ്ടിച്ച നേപ്പാൾ സ്വദേശികൾ അറസ്റ്റിൽ

Also Read » വാഹനം കബളിപ്പിച്ച് തട്ടിയെടുത്ത കേസിൽ രണ്ടുപേർ അറസ്റ്റിൽ