കാവുംകണ്ടം: ചെറുപുഷ്പ മിഷൻ ലീഗ് കാവുംകണ്ടം ശാഖയുടെ ആഭിമുഖ്യത്തിൽ ലഹരി വിരുദ്ധ ദിനാചരണം നടത്തി. കാവുംകണ്ടം പാരിഷ് ഹാളിൽ വച്ച് നടന്ന സമ്മേളനത്തിൽ ആൽഫി മുല്ലപ്പള്ളിൽ അദ്ധ്യക്ഷത വഹിച്ചു. അയോണ സുബി പുളിക്കൽ ആമുഖ പ്രഭാഷണവും, ഡയറക്ടർ ഫാ. സ്കറിയ വേകത്താനം മുഖ്യപ്രഭാഷണവും നടത്തി.
സൺ‌ഡേ സ്കൂളിലെ റെഡ് ഹൗസിന്റെ നേതൃത്വത്തിൽ എല്ലാ വിദ്യാർത്ഥികളും അദ്ധ്യാപകരും "സെ നോ ടു ഡ്രഗ്സ് " എന്ന മുദ്രാവാക്യം ഉയർത്തിപ്പിടിച്ചുകൊണ്ട് ലഹരി വിരുദ്ധ പ്രതിജ്ഞ എടുത്തു. ആൻ മരിയ തേനംമാക്കൽ ലഹരി വിരുദ്ധ പ്രതിജ്ഞക്ക്‌ നേതൃത്വം നൽകി. തുടർന്ന് സൺ‌ഡേ സ്കൂളിലെ റെഡ്, ഗ്രീൻ, ബ്ലൂ എന്നീ മൂന്ന് ഹൗസുകളുടെ നേതൃത്വത്തിൽ കാവുംകണ്ടം ടൗണിൽ ലഹരി വിരുദ്ധ റാലി നടത്തി.
ലഹരി വിരുദ്ധ സന്ദേശം നൽകുന്ന പ്ലക്കാർഡുകൾ ഉയർത്തിപ്പിടിച്ചുകൊണ്ട് ലഹരിക്കെതിരെ മുദ്രാവാക്യം ഏറ്റുപറഞ്ഞുകൊണ്ടും നടത്തിയ റാലി ജനശ്രദ്ധ ആകർഷിച്ചു. ലഹരി വിരുദ്ധ സന്ദേശം നൽകുന്ന കലാപരിപാടികളും റാലിക്ക് കൊഴുപ്പേകി. ലിയോ ജോർജ് വട്ടക്കാട്ട്, ആര്യ ജോസഫ് പീടികയ്ക്കൽ, ജീനാ ഷാജി താന്നിക്കൽ, സാന്ദ്ര ബ്രൂസിലി കൊല്ലപ്പള്ളിൽ, ജോയൽ ആമിക്കാട്ട്, സിമി ജോസ് കട്ടക്കയം തുടങ്ങിയവർ പരിപാടികൾക്ക് നേതൃത്വം നൽകി.
Also Read » മാർ ആഗസ്തീനോസ് കോളേജ് ഇലക്ട്രോണിക്സ് അസ്സോസിയേഷന്റെ ഉദ്ഘാടനം നടത്തി
Comment relevant & respectful. Off-topic comments may be removed . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും . Please read our Comment Policy before commenting.
