ളാലം സ്മാർട്ട് വില്ലേജ് ഓഫീസ് മന്ദിരം റവന്യൂ വകുപ്പു മന്ത്രി കെ രാജൻ 18 ന് ഉദ്ഘാടനം ചെയ്യും

നവംബർ 18 ന് തുറന്നുകൊടുക്കുന്ന ളാലം വില്ലേജ് ഓഫീസിനായുള്ള പുതിയ മന്ദിരത്തിന്റെ സജ്ജീകരണങ്ങൾ നഗരസഭാ ചെയർമാൻ ആന്റോ പടിഞ്ഞാറേക്കരയും റവന്യൂ വിഭാഗം അധികൃതരും വിലയിരുത്തുന്നു.

പാലാ: ളാലം വില്ലേജ് ഓഫീസിനായി നിർമ്മിച്ച പുതിയ മന്ദിരം നവംബർ 18 (വെള്ളി) തുറന്നുകൊടുക്കും.
ഉച്ചയ്ക്ക് 1.10 ന് റവന്യൂ വകുപ്പു മന്ത്രി കെ രാജൻ മന്ദിരം ഉദ്ഘാടനം ചെയ്യുമെന്ന് സ്വാഗത സംഘം ചെയർമാൻ ആന്റോ പടിഞ്ഞാറേക്കര അറിയിച്ചു. മീനച്ചിൽ താലൂക്കിലെ ളാലം വില്ലേജ് ഓഫീസ് ഇനി സ്മാർട്ട് വില്ലേജ് ഓഫീസായിരിക്കും. ആവശ്യമായ ഓഫീസ് ഉപകരണങ്ങൾ ഇവിടെ എത്തിച്ചു കഴിഞ്ഞു.

---

പാലാ നഗരസഭാ പ്രദേശവും കരൂർ പഞ്ചായത്ത് പ്രദേശവും ഉൾപ്പെടുന്നതാണ് ളാലം വില്ലേജ്. പാലാ മിനി സിവിൽ സ്റ്റേഷന്റെ ഒന്നാം നിലയിൽ പ്രവർത്തിച്ചു വന്നിരുന്ന വില്ലേജ് ഓഫീസ് ഇതേ കോമ്പൗണ്ടിൽ തന്നെ പുതിയതായി നിർമ്മിച്ചിരിക്കുന്ന നവീന മന്ദിരത്തിലേക്കാണ് മാറുന്നത്. വിപുലമായ ഓഫീസ് സൗകര്യങ്ങളാണ് പുതിയ മന്ദിരത്തിൽ സജ്ജീകരിച്ചിരിക്കുന്നത്. റീബിൽഡ് കേരള പദ്ധതിയിൽ 44 ലക്ഷം രൂപ മുടക്കിയാണ് പുതിയ മന്ദിരത്തിന്റെ നിർമ്മാണം പൂർത്തിയാക്കിയിരിക്കുന്നത്.

ഭിന്നശേഷി സൗഹൃദത്തോടു കൂടിയാണ് പുതിയ കെട്ടിട നിർമ്മാണം. ഓഫീസ് സൗകര്യങ്ങൾക്ക് പുറമെ വില്ലേജ് ഓഫീസർക്കായി പ്രത്യേക മുറി, ഫ്രണ്ട് ഓഫീസ്, പൊതുജനങ്ങൾക്ക് പ്രത്യേക ഇരിപ്പിട സ്ഥലം, ജീവനക്കാർക്കും ഓഫീസിലെത്തുന്നവർക്കുമായി പ്രത്യേക ടോയ്ലറ്റുകൾ, കോൺഫ്രൻസ് ഹാൾ, സ്റ്റോർ റൂം എന്നിവയും പുതിയ മന്ദിരത്തിലുണ്ട്. നിർമ്മിതികേന്ദ്രത്തിനായിരുന്നു നിർമ്മാണച്ചുമതല. ജനപ്രതിനിധികളും വിവിധ കക്ഷി നേതാക്കളും ചടങ്ങിൽ പങ്കെടുക്കുമെന്ന് നഗരസഭാ ചെയർമാൻ അറിയിച്ചു.

Also Read » യൂത്ത്ഫ്രണ്ട്(എം) ആലപ്പുഴ ജില്ലാ കമ്മറ്റിക്ക് പുതിയ നേതൃത്വം,വർഗ്ഗീസ് ആൻ്റണി പ്രസിഡൻ്റ് ഷെറിൻ സുരേന്ദ്രൻ ഓഫീസ് ചാർജ് ജില്ലാ സെക്രട്ടറി

Also Read » ച​ക്ര​വാ​ത​ച്ചു​ഴി: സം​സ്ഥാ​ന​ത്ത് അ​ടു​ത്ത അ​ഞ്ചു ദി​വ​സം മ​ഴ തു​ട​രും; ര​ണ്ട് ജില്ലകളിൽ യെ​ല്ലോ അ​ല​ർട്ട്