കാവുംകണ്ടം ഇടവക കൂട്ടായ്മ ഭക്ഷണപ്പൊതി "പാഥേയം" വിതരണം ചെയ്തു

കാവുംകണ്ടം ഇടവക കൂട്ടായ്മയുടെ നേതൃത്വത്തിൽ രാമപുരം കുഞ്ഞച്ചൻ മിഷനറി ഭവനുവേണ്ടി സമാഹരിച്ച പൊതിച്ചോർ വികാരി ഫാ. സ്കറിയ വേകത്താനം കോഡിനേറ്റർ ബിനോയി ഉടുപുഴയെ ഏൽപ്പിക്കുന്നു. ഡെന്നി മുണ്ടിയാവിൽ, ബിജു കോഴിക്കോട്ട്, സണ്ണി വാഴയിൽ തുടങ്ങിയവർ സമീപം.

കാവുംകണ്ടം : കാവുംകണ്ടം ഇടവക കൂട്ടായ്മയുടെ ആഭിമുഖ്യത്തിൽ രാമപുരം കുഞ്ഞച്ചൻ മിഷനറി ഭവൻ, മറ്റത്തിപ്പാറ സാന്തോം ബ്ലെസ്ഡ് കുഞ്ഞച്ചൻ ഹോം എന്നിവിടങ്ങളിലേക്കായി ഭക്ഷണപ്പൊതി "പാഥേയം" സമാഹരിച്ച് വിതരണം ചെയ്തു. മിഷൻ ലീഗ്, എസ് എം വൈ എം, എ കെ സി സി, പിതൃവേദി, വിൻസന്റ് ഡി പോൾ, മാതൃവേദി തുടങ്ങിയ സംഘടനകളുടെ നേതൃത്വത്തിലാണ് ഭക്ഷണപ്പൊതി സമാഹരിച്ചത്.

---

ഇത് മൂന്നാം തവണയാണ് ഭക്ഷണപ്പൊതി സമാഹരിച്ച് വിതരണം ചെയ്തത്. മൂന്നൂറോളം പൊതിച്ചോർ സമാഹരിച്ചു. വികാരി ഫാ. സ്കറിയ വേകത്താനം ഭക്ഷണപ്പൊതികൾ കുഞ്ഞച്ചൻ മിഷനറി ഭവൻ കോ-ഓർഡിനേറ്റർ ബിനോയി ഉടുപുഴയെ ഏല്പിച്ചു. കൈക്കാരന്മാരായ ബിജു കോഴിക്കോട്ട്, ടോം കോഴിക്കോട്ട്, ജോർജുകുട്ടി വല്യാത്ത്, ജോയൽ ആമിക്കാട്ട്, ഡെന്നി മുണ്ടിയാവിൽ, സണ്ണി വാഴയിൽ, ആര്യാ പീടികയ്ക്കൽ തുടങ്ങിയവർ പരിപാടികൾക്ക് നേതൃത്വം നൽകി.

Also Read » 2022ലെ സംസ്ഥാന ചലച്ചിത്ര പുരസ്കാരങ്ങൾ വിതരണം ചെയ്തു

Also Read » "ഒരുവട്ടം കൂടി" ബാലതാരങ്ങളെ അഭിനന്ദിച്ചു.