പാലാ: കോടതി മുറ്റത്തുവച്ച് യുവതിയെ ഭീഷണിപ്പെടുത്തിയ ആൾ പിടിയിൽ. പൊൻകുന്നം എലിക്കുളം കാരിക്കകുന്നേൽ ടിജോ വർഗീസ് (42) എന്നയാളാണ് പാലാ പോലീസിന്റെ പിടിയിലായത്.
പാലാ പോലീസ് സ്റ്റേഷനിൽ പ്രതിക്കെതിരെ നേരത്തെ യുവതി നൽകിയ ലൈംഗിക പീഡനകേസ് നിലനിൽക്കെയാണ് ഈ കേസിൽ ജാമ്യത്തിലിറങ്ങിയ പ്രതി പാലാ ഫാമിലി കോടതിയുടെ മുറ്റത്തുവച്ച് യുവതിയെ ചീത്തവിളിക്കുകയും, പിൻതുടർന്ന് യുവതിയുടെ നഗ്നഫോട്ടോകൾ സമൂഹ മാധ്യമങ്ങളിൽ പ്രചരിപ്പിക്കുമെന്ന് പറഞ്ഞ് ഭീഷണിപ്പെടുത്തുകയും ചെയ്തത്.
മാത്രവുമല്ല നഗ്നഫോട്ടോകൾ യുവതിയുടെ മൊബൈൽ ഫോണിലേക്ക് അയച്ച് കൊടുക്കുകയും ചെയ്തു. തുടര്‍ന്ന് യുവതി പാലാ പോലീസ് സ്റ്റേഷനിൽ പരാതി നല്‍കുകയും പോലീസ് കേസ് രജിസ്റ്റർ ചെയ്ത് ഇയാളെ പിടികൂടുകയുമായിരുന്നു.
പാലാ സ്റ്റേഷൻ എസ് എച്ച് ഒ കെ പി ടോംസൺ, എസ് ഐ അഭിലാഷ് എം ഡി, എ എസ് ഐ ബിജു കെ തോമസ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി.
Also Read » യുവതിയെ വീട്ടിൽ കയറി വെട്ടി പരിക്കേൽപ്പിച്ചു; പ്രതിയെ നാട്ടുകാർ പിടികൂടി പൊലീസിലേൽപ്പിച്ചു
Also Read » ചന്ദ്രബാബു നായിഡു ജയിലിലേക്ക്; ജാമ്യം നിഷേധിച്ച് മജിസ്ട്രേറ്റ് കോടതി
Comment relevant & respectful. Off-topic comments may be removed . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും . Please read our Comment Policy before commenting.
