രാമപുരത്തിന്റെ പ്രധാന സാമൂഹികപ്രശ്നങ്ങളിൽ ഒന്നായ ഗതാഗതകുരുക്കും അധികാരികൾ ശ്രദ്ധിക്കേണ്ട വിഷയങ്ങളെയും കുറിച്ച് ലാലി ആന്റണി എഴുതുന്നു

Avatar
Web Team | 29-06-2023

2787-1688055333-ramapuram-road-problem

ലാലി ആന്റണി

അടിയന്തരമായി ശ്രദ്ധിക്കപെടേണ്ട കാര്യങ്ങൾ :

  • അശ്രദ്ധമായ, സാമൂഹ്യാവബോധമില്ലാതെ ഉള്ള വാഹന പാർക്കിംഗ്.
  • സ്വകാര്യവാഹനങ്ങളും , കച്ചവട ആവശ്യത്തിന് വരുന്നവരുടെയും വാഹനങ്ങൾ റോഡ് സൈഡിൽ, നിയമാനുസൃതമല്ലാത്ത സ്ഥലങ്ങളിൽ പാർക്ക് ചെയ്യുന്നത് .
  • പൊതു റോഡുകളിൽ വാണിജ്യ സ്ഥാപനങ്ങൾ അവർക്ക് തോന്നിയ രീതിയിൽ നടത്തുന്ന ലോഡിംഗ്, അൺലോഡിംഗ് പ്രവർത്തനങ്ങൾ .
  • സ്വകാര്യ ബിസിനസ് നടത്തുന്ന സ്ഥാപനങ്ങളൂടെ മുൻവശത്തുള്ള പൊതുവഴിയിലെ ഗതാഗത കുരുക്ക്.
  • കാൽനടയാത്രക്കാർക്കു സുരക്ഷാ ആശങ്കകൾ ഉയർത്തുന്ന രീതിയിൽ കാഴ്ചകളെ തടസ്സപ്പെടുത്തുന്ന വാഹന പാർക്കിങുകൾ .

  • വാണിജ്യ സ്ഥാപനങ്ങൾ നിയുക്ത ലോഡിംഗ്, അൺലോഡിംഗ് സോണുകൾ കർശനമായി പാലിക്കുന്നുണ്ടെന്ന് ഉറപ്പാക്കുക, പാലിക്കാത്തതിന് പിഴ ചുമത്തുക.
  • തിരക്ക് കുറയ്ക്കുന്നതിനും പൊതു സുരക്ഷയ്ക്ക് മുൻഗണന നൽകുന്നതിനുമായി തിരക്കേറിയ ട്രാഫിക് സമയങ്ങളിൽ ലോഡിംഗ്, അൺലോഡിംഗ് പ്രവർത്തനങ്ങൾക്ക് സമയ നിയന്ത്രണങ്ങൾ നടപ്പിലാക്കുക.
  • സ്വകാര്യ ബിസിനസ്സുകൾ റെസിഡൻഷ്യൽ പ്രദേശങ്ങളിൽ നടത്തുന്നവർ പാർക്കിംഗ് സൗകര്യങ്ങൾ സ്വയം കണ്ടെത്തുക .
  • പൊതുസുരക്ഷയും , പൊതുനന്മയും മുൻപിൽ കണ്ടുള്ള ദീഘവീക്ഷണത്തോടെയുള്ള ആസൂത്രണവും , പ്രശ്നപരിഹാരവും .


ലാലി ആന്റണി സമൂഹമാധ്യമത്തിൽ പങ്കു വെച്ച വിശദമായ പോസ്റ്റിന്റെ പൂർണ്ണരൂപം ചുവടെ വായിക്കുക :

രാമപുരത്തിന്റെ പ്രധാന റോഡുകളിലെ ഗതാഗതകുരുക്ക് ദിനംപ്രതി രൂക്ഷമാകുന്ന സാമൂഹികപ്രശ്നങ്ങളിൽ ഒന്നാണ്. പൊതുവഴികൾ മിക്കപ്പോഴും തിരക്കുള്ള പകൽ സമയങ്ങളിൽ പൊതുവഴിയല്ലാതാകുന്നു. പൊതുവഴികൾ ജനങ്ങൾക്കു ബുദ്ധിമുട്ടില്ലാതെ , സുഗമമായി യാത്രാ സാധ്യമാക്കുന്നതാവണം. സ്വന്തമായി ഗതാഗത സൗകര്യങ്ങൾ ഇല്ലാത്ത സാധാരണക്കാർക്ക്, അപകടം കൂടാതെ സഞ്ചരിക്കുവാനുള്ള സ്വാതന്ത്ര്യം ഉറപ്പുവരുത്തേണ്ടത് അധികാരികളുടെ ഉത്തരവാദിത്തമാണ്.

ഉചിതമായ അടിസ്ഥാന സൗകര്യങ്ങളുടെ നിയന്ത്രിക്കുന്നതിലുള്ള അഭാവവും , അല്ലെങ്കിൽ അലംഭാവവും ആണ് പലപ്പോഴും നമ്മുടെ റോഡുകളിൽ തിരക്കേറിയ സമയങ്ങളിൽ കടുത്ത ഗതാഗതക്കുരുക്കിനും, അപകടങ്ങളുടെയും മുഖ്യ കാരണം. നിയന്ത്രണങ്ങളില്ലാതെ, അശ്രദ്ധമായ, സാമൂഹ്യാവബോധമില്ലാതെ ഉള്ള വാഹന പാർക്കിംഗ്, റോഡ് ഉപയോക്താക്കളെ അസൗകര്യപ്പെടുത്തുക മാത്രമല്ല, കാൽനടയാത്രക്കാർക്കും വാഹനമോടിക്കുന്നവർക്കും ഒരുപോലെ സുരക്ഷാ അപകടങ്ങൾ സൃഷ്ടിക്കുകയും ചെയ്യുന്നു.

രാമപുരം വാർത്തകൾ വാട്സാപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക / ടെലഗ്രാം ചാനലിൽ ലഭിക്കാൻ ഇവിടെ ക്ലിക്ക് ചെയ്യുക / ന്യുസ് ലെറ്ററായി ഈമെയിലിൽ എല്ലാ ദിവസവും ലഭിക്കാൻ ഇവിടെ ക്ലിക്ക് ചെയ്യുക. സബ്‌സ്‌ക്രൈബ് ചെയ്യാം വാർത്തകൾ നേരത്തെ അറിയാം .


സ്വകാര്യവാഹനങ്ങളും , കച്ചവട ആവശ്യത്തിന് വരുന്നവരുടെയും വാഹനങ്ങൾ റോഡ് സൈഡിൽ, നിയമാനുസൃതമല്ലാത്ത സ്ഥലങ്ങളിൽ പാർക്ക് ചെയ്യുന്നത് മൂലം കാൽനടയാത്രക്കാർക്ക് വളെരെയധികം
ബുദ്ധിമുട്ടുണ്ടാക്കുന്നു.
നിയന്ത്രണമില്ലാതെയുള്ള , പൊതുഅവബോധം തൊട്ടുതീണ്ടാത്ത വിധത്തിൽ , വാഹനങ്ങളുടെ പാർക്കിങ്ങുകൾ മൂലം ഏറ്റവുമധികം ഗതാഗതകുരുക്കുകൾ ഉണ്ടാകുന്ന തിരക്കേറിയ ഒരു റോഡ് ആണ് രാമപുരം കുരിശുപള്ളി ജംഗ്ഷൻ മുതൽ ഗവണ്മെന്റ് ആശുപത്രി വരെയുള്ള പൊതുവഴി.

ഈ റോഡിലെ കാൽനടയാത്രക്കാരിൽ ഒരുനല്ല വിഭാഗം, നടക്കാൻ ബുദ്ധിമുട്ടുള്ളവരും, വാർദ്ധക്യമായവരുമായ പുരുഷന്മാരും, സ്ത്രീകളും. വിവിധ ആരോഗ്യസേവനങ്ങൾക്കും , പൊതു സേവനങ്ങൾക്കുമായി ഗവണ്മെന്റ് ആശുപത്രിയിലേക്കും, ,പഞ്ചായത്തിലേക്കും വരുന്നവരും, സ്വകാര്യ വാഹനമില്ലാത്ത സാധാരണക്കാരും, അതുമല്ലെങ്കിൽ ദൈനംദിന ഉപഭോഗാവശ്യങ്ങൾക്കായി. വരുന്ന സാധാരണക്കാരായ പൊതുജനങ്ങളാണ് ഭൂരിഭാഗവും.

നിയമാനുസൃതമല്ലാത്ത ഇത്തരം പാർക്കിംഗ് മൂലം പൊതുജനങ്ങൾക്കുണ്ടാകുന്ന ബുന്ധിമുട്ടുകളും, അപകട സാത്യധകൾ ഒഴിവാക്കാനും ,സുഗമമമായ പൊതുഗതാഗതം സാധ്യമാക്കാനും, പൊതു സുരക്ഷ നിലനിർത്തുന്നതിനും അധികാരികളുടെ ഉത്തരവാദിത്ത്വപൂര്ണമുള്ള ഇടപെടലുകൾ അനിവാര്യമാണ്. പൊതു റോഡുകളിൽ വാണിജ്യ സ്ഥാപനങ്ങളുടെ ലോഡിംഗ്, അൺലോഡിംഗ് പ്രവർത്തനങ്ങളാണ് ഈ ഗതാഗത ക്കുരുക്കിനുള്ള ഒരു പ്രധാന കാരണം. ഈ പ്രശ്നങ്ങളുടെ ഗൗരവം കണക്കിലെടുത്ത്, പൊതു റോഡുകളിൽ വാണിജ്യ ലോഡിംഗ്, അൺലോഡിംഗ് പ്രവർത്തനങ്ങൾ മൂലമുണ്ടാകുന്ന ഗതാഗതക്കുരുക്ക് ലഘൂകരിക്കുന്നതിന് ബന്ധപ്പെട്ടവരുടെ അടിയന്തര ശ്രദ്ധയും നടപടിയും ദയവായി അഭ്യർത്ഥിക്കുന്നു.

ഇത്തരത്തിൽ തന്നെയോ , അതിലധികമോ ,പൊതുസുരക്ഷയെ ബാധിക്കുന്ന ഒരു ഗതാഗതകുരുക്കാന് മരങ്ങാടുറോഡിൽ പാലം കടന്നു വരുന്ന കൊടുവളവുകളിലെ ഗതാഗതകുരുക്ക്‌. മരങ്ങാട് റോഡ്‌ പൊതുവെ രണ്ടു സൈഡിൽ നിന്നും വരുന്ന വാഹനങ്ങൾക്ക് കഷ്ട്ടിച്ചു കടന്നുപോകാനുള്ള വീതിയേയുള്ളൂ. അതിനിടെയിലാണ് വീട്ടിൽ സ്വകാര്യ പ്രാക്ടീസ് നടത്തുന്ന ഡോക്ടറുടെ ക്ലിനിക്കിന്റെ മുൻവശത്തുള്ള പൊതുവഴിയിലെ ഗതാഗത കുരുക്ക്. ദീർഘദൂര സർവിസുകൾ നടത്തുന്ന കെ .എസ് .ആർ .ടി .സി ബസുകൾ ഓടുന്ന ഈ റോഡിലെ പ്രശ്നവും അധികാരികളുടെ അടിയന്തിര ശ്രദ്ധ പതിയേണ്ടതാണ്.

ഡ്രൈവറുമാരുടെ കാഴ്ച മറക്കുന്ന വലിയ വളവുകൾ ഉള്ള ഈ റോഡിൽ ഡോക്ടറിനെ സന്ദർശിക്കാൻ വരുന്ന രോഗികളും , സന്ദർശകരും അവരുടെ വാഹനങ്ങൾ ക്രമരഹിതമായി റോഡിൻറെ ഇരുവശത്തും പാർക്ക് ചെയ്യുന്നത് സുഗമമായ പൊതു തടസപ്പെടുത്തുന്നു. ഈ റോഡിലെ, പ്രത്യേകിച്ചും വൈകുന്നേരങ്ങളിലെ വലിയതോതിലുള്ള തിരക്കുകൾ മൂലമുള്ള ഒരു വലിയ അപകട സാധ്യത മുൻകൂട്ടി കണ്ടു സത്വര നിയന്ത്രണ നടപടികൾ ആവശ്യമാണ്. മാത്രമല്ല, തുടര്ച്ചയായുള്ള വലിയ വളവുകളുള്ള, സമീപത്തു തന്നെ മഴക്കാലത്ത് നിരന്തര വെള്ളക്കെട്ട് രൂപപ്പെടുന്ന ഇടുങ്ങിയ റോഡും, ദീർഘദൂര സംസ്ഥാന ബസുകളുടെ സാന്നിധ്യവും സ്ഥിതി കൂടുതൽ സങ്കീർണമാക്കുന്നു. പരിമിതമായ ദൃശ്യപരതയും ഗതാഗതക്കുരുക്കും കൂടിയാകുമ്പോൾ വാഹന മോടിക്കുന്നവർക്കും കാൽനടയാത്രക്കാർക്കും ഒരുപോലെ സുരക്ഷാ ആശങ്കകൾ ഉയർത്തുന്നു, പാർക്ക് ചെയ്ത വാഹനങ്ങൾ കാഴ്ചകളെ തടസ്സപ്പെടുത്തുകയും അപകടങ്ങൾ സൃഷ്ടിക്കുകയും ചെയ്യുന്നു.

വാണിജ്യ സ്ഥാപനങ്ങൾ നിയുക്ത ലോഡിംഗ്, അൺലോഡിംഗ് സോണുകൾ കർശനമായി പാലിക്കുന്നുണ്ടെന്ന് ഉറപ്പാക്കുക, പാലിക്കാത്തതിന് പിഴ ചുമത്തുക. തിരക്ക് കുറയ്ക്കുന്നതിനും പൊതു സുരക്ഷയ്ക്ക് മുൻഗണന നൽകുന്നതിനുമായി തിരക്കേറിയ ട്രാഫിക് സമയങ്ങളിൽ ലോഡിംഗ്, അൺലോഡിംഗ് പ്രവർത്തനങ്ങൾക്ക് സമയ നിയന്ത്രണങ്ങൾ നടപ്പിലാക്കുക. അതുപോലെ ഉയർന്ന വാണിജ്യ പ്രവർത്തനമുള്ള പ്രദേശങ്ങളിൽ അധിക ലോഡിംഗ്, അൺലോഡിംഗ് ആവശ്യകത വിലയിരുത്തി ആവശ്യമായ ക്രമീകരണങ്ങൾ ഉണ്ടാക്കാൻ പഞ്ചായത്തോ ബന്ധപ്പെട്ട വകുപ്പുകളോ വ്യാപാരികളുമായി സഹകരിച്ചു പരിഹാര നടപടികൾ സ്വീകരിക്കേണ്ടതാണ് . സൈൻബോർഡുകൾ സ്ഥാപിച്ചും , വാണിജ്യ സ്ഥാപനങ്ങൾക്കിടയിൽ അവബോധം വളർത്തുകയും , കുറയ്ക്കുന്ന മികച്ച സമ്പ്രദായങ്ങൾ സ്വീകരിക്കാൻ പ്രോത്സാഹിപ്പിക്കേണ്ടതുമാണ്.

സ്വകാര്യ ബിസിനസ്സുകൾ റെസിഡൻഷ്യൽ പ്രദേശങ്ങളിൽ അനുവദിക്കാൻ പാടില്ല . അതല്ലെങ്കിൽ പാർക്കിംഗ് സൗകര്യങ്ങൾ സ്വകാര്യവ്യക്തികൾ തന്നെ കണ്ടെത്തേണ്ടതാണ്. ആളും, തരവും,സന്ദർഭവും നോക്കാതെ , വിവേചനപരമായ നയങ്ങൾ മാറ്റിവെച്ചു , പകരം പൊതുസുരക്ഷയും ,പൊതുനന്മയും മുൻപിൽ കണ്ടുള്ള ദീഘവീക്ഷണത്തോടെയുള്ള ആസൂത്രണവും , പ്രശ്നപരിഹാരവും ഉണ്ടാവേണ്ടത് ബന്ധപ്പെട്ട അധികാരികളുടെ ഭാഗത്തു നിന്നുമുണ്ടാവേണ്ടത് അത്യാവശ്യമാണ് .

“പ്രതിരോധമാണ്, ചികിത്സയേക്കാൾ നന്ന് ” ..


Also Read » ലോക കുതിരയോട്ട മത്സരത്തിൽ ചരിത്രം കുറിച്ച് മലപ്പുറത്തുകാരി നിദ


Also Read » ഏവർക്കും Ramapuram info യുടെ ഓണാശംസകൾ......



Comment relevant & respectful. Off-topic comments may be removed . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും . Please read our Comment Policy before commenting.

Latest
Trending
Do NOT follow this link or you wont able to see the site!

US / DB Query : 4 / Total Memory Used : 0.68 MB / ⏱️ 0.0083 seconds.